FC Ballkani ka njoftuar se tani ka filluar shitja e biletave për ndeshjen e tyre ndaj Dinamo Zagrebit, ndeshje kjo e vlefshmep ër fazën e grupeve në Conference League.

Kjo ndeshje do të zhvillohet më 5 tetor në stadiumin legjendar “Fadil Vokrri”, shkruan Arbresh.info.

Klubi suharekas ka njoftuar se biletat mund të blihen në platformën online ku çmimet janë nga 3 deri në 50 euro.

Njoftimi i klubit:

“VINI RE!!!

Super ndeshja evropiane po afron!

Biletat për takimin ndërmjet Ballkanit dhe Dinamo Zagrebit, tashmë janë në shitje.

Ato mund t’i siguroni VETËM përmes platformës online, në linkun e mëposhtëm:

https://eu.ebileta.al/biglietteria/listaEventiPub.do

Mos harroni, nuk do të ketë shitje në forma fizike, por vetëm online.

Për ndeshjen e dytë të grupit C në UEFA Conference League, çmimet e biletave janë këto:

Për tribinat Veri dhe Jug 3 euro, atë të Lindjes 5 euro, në Perëndim 10 euro. Ndërkaq çmimi për  VIP bileten është  50 euro (ku përfshihet edhe katering).

Përballja e dy kampionëve, nga Kosova e Kroacia, zhvillohet më 5 tetor në stadiumin “Fadil Vokrri” në Prishtinë, me fillim në orën 18:45.

Mos harroni, një person mund të blejë deri në katër bileta. Pasi ta siguroni atë, patjetër duhet të jetë e printuar në formatin A4 dhe me kualitet të lartë.

Eja dhe mbështete rrugëtimin evropian të Ballkanit, mbështete kampionin e Republikës

Na priftë e mbara”.

/Arbresh.info/